ضد الحكومة
*****
الأول داخل بيقول .. يا اخونا مين المسئول ؟!!؟
اعانات و ضرايب في جيوبهم و كبيرنا قاعد مسطول
يا اخونا خلاص انا هتجنن من مخ كبيرنا المشلول
يخربوا في بيوتنا و يعيشوا , يا اخونا بقي ده معقول
البعدا عايشين في نعيم و الشعب أهو عايش مذلول
عايشين في حياتهم بسهوله و الشعب هيموت م الزحمه
كافيار و موابيل و كوبيه و الشعب ميعرفش اللحمه
اساطيل عربيات و مراكب و شقق مليانه حاجات فخمه
و الشعب متورجل يا سيدي متقحرط و حياته دي فحمه
يا كبرنا خف عن الكيف .. و اجبرهم علي فعل الرحمه
----------
و التاني داخل و بيهتف .. يا اخونا دي العيشه مرار
و لأمتي انا هفضل متكتف و البعدا بيكالوا في كفيار ؟
و لا عمري في يوم انا هتأسف و لا هندم علي أي قرار
بهوات قاعدين علي مكاتبهم و هدفهم هدم الأفكار
و لأمتي هنفضل بنفدهم بضرايب دول ناس اشرار
و جمارك علي طول لحسابهم و كفايه يا ناس استهتار
و محدش واقف قدمهم .. خاربنها و العدل أهو غار
و هسبكم تدعوا عليهم انتوا و كفايه لحسن هنهار
----------
و التالت قالع و بيجري متضايق جداً حيران
فساد ف الناس عمال يسري في الهوا زي الدخان
و الغني فيهم عمال يجني من دم و عرق الشقيان
و الفقرا بيشكوا لحكومتنا و يقولوا كفايه كده جنان
و الوزرا واقفه بتتفرج و الريس طبعاً فرحان
امريكا تدبوا علي قفاه و هو بيهش الدبان
طبعاً مهو عمال يسرق و بياخد اشكال و الوان
و يقولوا الناس مصر مبارك .. ضيعها و ضيعنا كمان
يا عم دماغك انت و هو و كفايه انا داخل انام
----------
42 comments:
صباح الفل يا ريس
كلام جميل
تابع فى الخط دة
و بالتوفيسق يا رياسة
ازيك يا رامي
والله ما تصدقش انا انبسطت اد ايه انش شفتك النهاردة مع جيمي !!!
بجد الدنيا صغيرة جداااااااااااا
تحياتي يا صديقي
والى الامام دوماً
تم تم تش
دخلنا فى السياسة
سوكتوم بوكموم
على فكرة انا بنت يا جميل و البلوج عندى كله بنات عشان اكتشت ف ردودك عليا انك فاكرنى ولد
مايمنعش برضه
مع تحياتى "سارة"
يا عم دماغك انت و هو و كفايه انا داخل انام
هههههههههههه
يادووووب تلحق تنام..قبل ما.....
!!!!!
بس جامده جدا
:D
جااااااااااااامد
من دا على طول
بس كدا انت مش بتاخد كل الاشكال انتى بتقي شوية وتشعرلهم " حلوة تشعرلهم دي مش مهم عديهالى " بس جامد الكلام وجامدة السلسة انا متوقعها كدا واحسن شوية من اول بوست فيها
مستنين جديدك وما تغيبش كتير
تشي
GEMYHOoOD
حليب قلبي صباح الجمال يا رياسه
نورت مدونتي يا صاحبي
و ربنا يكرمك يا رب
و الحمد لله إن الفكره عجبتك
تحياتي
صاحب البوابــة
مصطفي الحسيني باشا
نورتني يا جميل
و انا اسعد و الله اني شوفتك بجد و الله
و الدنيا فعلا قصيره قوي
تحياتي يا صديقي
sa'7so'7te
معلش يا ساره انتي بنوته و ست البنات كمان
العتب ع الجزر
و اه حبه سياسه بقي
مش هنفضل ساكتين يعني
و اللي يحصل يحصل
تحياتي
تخاريف خاصه
انتي هتبلغي و لا ايه
عاتي عاتي
هقول انك رئيسة التنظيم السري
هههههههههههه
متنسيش العيش و الحلاوه بقي
تحياتي
Che The Sad
تشي السكر
نورت يا جميل
و حلوه قوي تشعرلهم دي
حسستني اني واقف في محل حلاق
هههههههههههههههه
اما بقي موضوع اني كده سبت الناس المؤيدين
هقولك حاجه صغيره
انزل الشارع
بص في عيون الناس
و انت تعرف ان محدش طايق
و كله حلاص اتخنق
الا بقي الناس الحراميه و ولادهم اللي عايشين دول
و دول مش مننا طبعا
تحياتي
السلام عليكم ورحمة الله وبركاته
ضد الحكومه مره واحده يارامي
:)
لا انت كده لازم تاخدلك ساتر
بس بيني وبينك...كلام في الصميم
سلام بقي احسن انا سمعت ان المدونه متراقبه ..هههههه
تعرف يارامي بعد ما تقوم من النوم هتبقى زي الفل وان شاء الله التهييس ده ميحصلش تاني المدونين عيزنك يابني
كلام جاااااااامد
وكل يوم من ده
:))))))))
مش هتبطلوا حقد بقى على الناس الاغنياء الغلابه ولا اصحاب السلطه المساكين
عيب عليك .. مش كده يابنى
بس كاتبها حلو ويترى الكلام ده بيحوق ولا هيطلع على عنينا برده
ههههههههه
بس حلوة اوى يا رامى
كلام مش بس جميل
دة روعة بجد بجد
بس شكلنا هناكول عيش وحلاوة
قريب
ههههههه
تحياتى لك
طيب اية ..........؟
انت تفتكر اية اللى هيحصل.....!
سلسلة جامدة جدا
والجزء الاول عجبنى جامد
والجزء التانى عجبنى اكتر
وكبيرنا قاعد مسطول
وكمان مخ كبيرنا المشلول
تصبح على خير
يعني ايه "متورجل"؟...مش خايف من آخر جملة في المقطع الأول؟...متأكد إنك كنت عايز تكتب "كيف"؟
طيب احنا ممكن نجيب الساحرة الطيبة اللي ساعدت سندريللا عشان تحارب الناس الأشرار دول؟
هو التالت ليه قالع؟ يعني ايه أصلاً؟
واحد بيقول على قدر الإمكان والتاني مسك في أضعف الإيمان أما التالت فهو عامل نفسه نايم ومش دريان
بس الظلم عمره ما يستخبى وللأعمى بيبان
وعجبي :)
نوني
حلوه أوى يارامى
انت ماشى ضد التيار ههههههههه
والراجل التالت اللى قلع دا عجبنى أوى
سلام بقى يازعيم
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
ازيك يا رامي
انا جيت اقولك حمدلله علي السلامه ومبروك النيولوك الجديد بتاعك دا اوي
بجد حمدلله علي السلامه
الله يكون بعون جميع الشعوب العربية
وبعوننا
كلام معبر فعلا
تحياتي
انت فين يا رامي؟؟؟
يا خوفي لا تكون رحت بعيد!!؟؟
طمنا عليك يابني
راااااااااااااامى
كان بدرى عليك عليك بدرى
استحمل يارامى
اصمد يابنى
:)))))))))))))
تؤ تؤ تؤ تؤ
مش حلو علشااااااانك
:D
ايه الحقد الطبقي دا
يا ساتر
خمسة فضفضة
و عليكم السلام و رحمة الله و بركاته
ربنا يكرمك يا رب
اه تقريباً كده متراقبه
كله ياخد ساتر بقي
هع هع هع هع
تحياتي
truelove
هههههههههه
شربت كتير و برضه مفيش فايده
ما احنا عمالين نشرب لغاية ما اتخنقنا
هع هع هع هع
تحياتي
shayma
ادينا بنقول رأينا و ده اللي بنقدر عليه
ما هو مش كفايه اللي احنا فيه كمان مش هنقدر نتكلم
يلا بقي لازم نضحي من اجل الأخرين
هع هع هع هع
تحياتي
hana
نورتي مدونتي المتواضعه
المهم جبتي العيش و الحلاوه و لا لسه
هع هع هع هع
تحياتي
كفراوى
هيحصل كتير
بس لو الكل قال لاء
اصل تقريباً حتي لاء دي بقت ممنوعه
نحاول نقول لاء بقي
تحياتي
محمود الدوح
ربنا يكرمك يا جميل
و نورتني في مدونتي المتواضعه
تحياتي
ياسر سليم
و انت من اهله يا جميل
Noony
يعني ايه "متورجل"؟...
يعني يستخدم رجليه ههههههههه
مش خايف من آخر جملة في المقطع الأول؟...
اخاف من ايه يعني قولت كل ده و خايف و ايه هيحصل اكتر من اللي بيحصل
متأكد إنك كنت عايز تكتب "كيف"؟
اكيد ما كلهم ضاربين
طيب احنا ممكن نجيب الساحرة الطيبة اللي ساعدت سندريللا عشان تحارب الناس الأشرار دول؟
مش هتحوق معاهم
هو التالت ليه قالع؟ يعني ايه أصلاً؟
اتخنق و تقريباً كده اتجنن خلاص
واحد بيقول على قدر الإمكان والتاني مسك في أضعف الإيمان أما التالت فهو عامل نفسه نايم ومش دريان
بس الظلم عمره ما يستخبى وللأعمى بيبان
ما هو ده حالنا يا نوني
نورتيني يا قمر
تحياتي
egyboy
تسلم يا جميل
نورتني
تحياتي
وينكى
ماشي يا ستي
قلبناها اعلانات
بس بصراحه اعلانات مفيده
الساقيه ديماً بتقدم حاجات مفيده
المشكله بقي اني شوفت الأعلان بعد ما الميعاد كان فات
يلا خيرها في غيرها
تحياتي
gohayna
ربنا يسلمك
و نروتيني يا عثل
تحياتي
yasmina
آمين يا رب
نورتيني
تحياتي
Noony
لا تقلقي
مش بعيد قوي يعني
اديني رجعت تاني
ميرسي كتير علي سؤالك يا نوني
تحياتي
shayma
هع هع هع هع
هو انا مت و لا ايه
انا لسه حي ارزق
متفوليش عليا بقي
و لو هتفولي عايزه بالزيت الحار و الليمون
هههههههههههههه
نورتيني
تحياتي
إنـســـانـة
و هو في ايه حلو في البلد دي عشانا
نورتيني
تحياتي
بالله المستعان
هههههههههههههههههههه
اه هو حقد طبقي
ارحمني يا رب
نورتني
تحياتي
Post a Comment