رغم عني .. نزلت دمعه مني .. بكاء كيان
ابكاني صديق .. يبكي علي صديق .. ظلمته الأزمان
ما عاد رفيق .. يُخلص لرفيق .. و الكل سيان
الكل يبيع .. يكذب و يخون .. اين الإنسان
و قليلٌ يُخلص .. يصدق و يصون .. عجباً يا زمان
اصبحنا نسمي الغش ذكاء .. و الكذب صار له الوان
غدرٌ و خداعٌ و نفاق .. هم مبدأ هذا الكون الآن
صدقٌ و وفاءٌ و ضمير .. ماتوا من ظلم الوجدان
زمن غريب .. المبدأ فيه .. انا و من بعدي الطوفان
عالم عجيب .. الصادق فيه .. ما عاد له في الكون مكان
الحب الصادق .. في زمن الكذب .. اصبح مجهول العنوان
الأمل الآن هو الحبُ .. ثوري يا قلوبنا بإيمان
عودي يا شمس الحق تضيئي .. لتُبخري منا العصيان
اهتزي يا نفس .. وأفيقي الحق الساكن فيكي و لو لثوان
انهض يا حق و اقتل هذا الباطل .. امحو داخلنا الأحزان
يا زمن الغش .. لن تهرب .. مقتولٌ في كل آوان
الخطأُ ليس في الخطأِ .. في العوده إليه بكل هوان
اشرق داخلنا يا زمن الحب .. اعبر بنا إلي شط امان
62 comments:
إنت شايف إن الحل في الحب
المشكله إنه كمان بقي مزيف ومش بيعبر عن الحقيقه يا رامي
حتي الحب بقي تمثيل
بقي نادر أوي الحب اللي بجد
بقي عمله صعبه
كل العلاقات أصبحت مزيفه أوي زياده عن اللازم
لا تحزن
فهذا التزييف أصبح سمه من سمات حياتنا
سلامي ليك
وشوش الناس بقت كدابة اوي
تحيااااا الثورة العرابية المحببة (جاية من الحب يعنى)
لو كل واحد شايف ان جواه من الصفات اللى عاملة زى البكتريا وبتخرب فيه قبل ماتخرب فاللى حواليه
لو شايف ان جواه ولو حتى نسبة بسيطه وداوى المرض دا بالحب زى مابتقول
اكيد هتفرق معاانا كتييييير اوى
والدوا مش بيشفى من يوم وليلة
احنا بس نؤمن بيه ونواظب على تناوله فى المواعيد المحددة:)
اللى هى 24 ساعة فى اليوم
365 يوم فى السنة
بعدها هنحس بفرق كبيييييير اوى
واكيد هيبان علينا وبعدها الكل يقلدنا واللى ملوش نفس يغير من صافته البكتيرية دى
يشوفله مستوطنة يعيش فيه وسط الناس اللى تشبهه
بس يتأكد انه هيموت وحيد
ـــــــــــــــــــــــ
فلسفة صرصارية بحتة:))
بس ايييه رأيك فى التخاريف دى؟:D
للاسف قليل ما تجد صديق وفي في ازمن اللي احنا فيه ده ........ والناس كلها بقت كدب ونفاق ووشوشهم فضحلهم
تحياتي
شيرين
انا مش عارفة انت مستخرب ليه من خيانة وندالة الاصدقاء
الحكاية دى اصبحت عادى
هوا احنا مش كل يوم نسمع حد بيقول اقرب صاحب ليا عمل كذا وكذا
الفكرة انت متسلمش لححد تماما
وتوقع البلا بيخفف منه لما بيقع
متزعلش نفسك
وفى نفس الوقت
قبل ماتحكم على صديقك حكم زى دا
شوف هوا عمل موقف زى دا ليه
من وجه نظره ممكن يبقى صح
كل واحد ليه وجه نظر
مدونتة جميلة مووووت
انا اول مرة امر عليها
تحياااااتى
حلو اوى يا
proid
الكلملت جامده وموزنه حلو اوى..انا بحب اوى قافيه حرف النون...
والموضوع كمان حلو...
الاصحاب دول نعمه فعلا...
:)
تحياتى
معلش اسفين للازعاج...
:)
نسيت اقول ان الصورة تححححححححححفه
حسيت بحزن جامد ونظرة سوداوية للحياة
ليه كدة بس؟
بس كويس انك لحقت في الآخر ودخلت "بصيص" من الأمل
الحياة كلها على بعضها مبينة بالحب..حب ربنا لعباده وحب الرعباد لله عز وجل..حب الإنسان لأخوه الإنسان وحب الإنسان للخير
الحب فعلاً هو الأمل
وهو الحل الوحيد
بس يبقى عندنا حبة صبر وتفاؤل
ونضحك..عشان الصورة تطلع جمييييييييييييلة
مفيش حاجة تستاهل البكاء
كله فاني
:)
نوني
واذا احببت فأحبب هواناً فربما صديق اليوم هوه عدو الغد
واذا كرهت فأكره هواناًفربما عدو اليوم هو صديق الغد
كالعاده ابدعت يارامي
وسلامي ليك
reri
ربنا يخليكي يا ريري
و اللي بتقوليه فعلاً صح
الحب الصادق بقي عملة نادرة
و عشان كده بقول إن الحل في إننا ندور عليه
ندور علي الحب اللي بجد
نحب بجد
من غير زيف او غش او خداع
اللي بقوا مبدأ في الحياة دلوقتي
لو ده حصل صدقيني كل حاجه وحشه في حياتنا هتروح إن شاء الله
نورتيني
تحياتي
Sharm
للأسف معظمهم زي ما انت قولت
بس مش كلهم اكيد
نورتني
تحياتي
SoRsaRaa
ربنا يخليكي يا رب
و ده اللي اقصده بجد يا صرصاره
عايزين نطرد اصحاب البيكتريا دول من العالم بتاعنا
و يشفولهم مستوطنه بكتيريا بعيد عننا
نورتيني
تحياتي
شيرين
ربنا يخليكي يا رب
نورتيني في مدونتي المتواضعه
و كلامك اكيد صح بس مش بالتعميم
في ناس كويسين بس للأسف قليلين
نورتيني
تحياتي
Hadota
نورتيني في مدونتي المتواضعه
ربنا يخليكي يا رب
و فعلاً كلامك صح
بس انا بقول ابكاني صديق
بيبكي علي صديق
يعني انا بكيت لبكاء صديق ليا
يبكي علي صديقه اللي اتظلم
مش انه خانه مثلاً
او خانّي انا
و لو افترضنا ان صديق ليا خانّي مثلاً
اكيد عمري ما هاحكم عليه من غير ما افكر ايه الظروف اللي خلته يعمل كده
تحياتي
تخاريف
ربنا يخليكي يا رب
و هي مش موزونه قوي يعني
انا بس حاولت احافظ علي الموسيقي في الكلمات
و قافية النون هي المفضله عندي
هتلاقي معظم كتاباتي بيها
اما الموضوع بقي
فده حق الصداقه
إننا نقدرها
نورتيني
تحياتي
تخاريف
تسلمي يا رب
الحمد لله إن الصوره عجبتك
تحياتي
Noony
ربنا يخليكي يا رب
و فعلاً الأمل هو الحب
بس الحب اللي بجد
اللي مش ورا منه مصالح
حب للحب ذاته
عشان كلنا نعيش في حب
نورتيني
تحياتي
tota
ربنا يخليكي يا رب
تسلمي علي كلماتك الرقيقه
نورتيني
تحياتي
المشكلة ياصديقي اننا بقينا محترفين لبس وقلع الاقنعة مفيش حاجة بقت صادقة الايام دي
البكاء سببه جرح .. والجرح ده من صديق .. واااااااااااو ما اصعبه ..
اصعب حاجه لما تتجرح من شخص بتعزه .. بجد تحس ان الدنيا كلها اتسدت في وشك ..
لكن متحبسش دموعك وخليها تنزل فهيه ده الي بتطبب الحروح..
عموما كلماتك رائعه .. واسلوبك جميل
xxx.. .
احترم كل من يقدر الصداقة..رائعة..و عجبتني جدا"قائمة النساء"
تحياتي لقلمك المبدع
كلام حلو اوى يارامى
جاى على الجرح
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
البلوج بتاعتك تحفة بس اسمحلى اعقب على حاجة صغننة
انت كتبت زمن الغش
فعلى ما اعتقد ان الذم فى الزمن حرام لان الرسول نهانا عن ذم الزمن والايام
بالنسبة للبوست نفسه فاحييك على احساسك واسلوبك
سلام
العيب مش في الحب ولا في الصداقه العيب فينا احنا كبشر
لزم تشوف الكدب علشان تعرف الصدق
لزم تشوف الكره علشان تعرف الحب
كل ديه معطيات
من غيرها
مش هتحس بالدنيا
تحليلك حلو
اوي
ربنا معاك يافندم
كل ده علشان كتبت حبيبة صاحبي ... طب لو كنت قلت حبيبة ابويا كنت عملت ايييييه؟؟؟
جميييييلة اوي بجد
تحياتي
خلاص
ما عاد فى شئ ينفع
ولا حتى البكا
ولا حتى البكا
ولا حتى البكا
ولا الحب
صار كلمة
بتتناولها العدا
يااااااااه ايه الحزن ده كله .. بس انت عندك حق الزمن ده مفيهوش حد كتير صادق فى مشاعره سواء الصديق او الحبيب ,,, العيب عالناس هما اللى بيخلونا نحس الزمن كأنه انسان خداع او صادق معانا .. الواحد مبقاش يعرف مين كويس ومين وحش .. ياللة سلام كفاية اكتئاب النهاردة
صباح الورد ..
ازيك مستر ..برويد؟
قول للزمان ارجع يا زمان ...مايمنعش ان لسه فيه ناس صادقة وبتقدر قيمة النعمة اللي معاها ..
السلام عليكم
كلام جميل جميل جدا
ماشاء الله عليك
بس انا مع اللي شايفين ان
الحل مش في الحب
خلاص
الناس بقت قلوبها متحجرة
وللأسف نحن في عصر التمثيل
حتى وصلنا لمرحلة ان
الواحد بقى يخاف لما يلاقي حد بيحبه
ربنا يرحمنا
كلامك جميل جدا
احتراماتي
sendbad
فعلاً يا سندباد المشكله كبيره قوي
فكرت كتير ايه الحل بصراحه ملقتش غير إننا نحب بعض بجد من غير اي مصالح او حاجه من ورا الحب ده
نورتني
تحياتي
loza
نورتيني في مدونتي المتواضعه
و ميرسي كتير علي كلامك الرقيق
تحياتي
نقطة مية
ربنا يخليكي يا رب
نورتيني في مدونتي المتواضعه
و الحمد لله إن كلامي البسيط قدر يوصل إحساسي و عجبك
تحياتي
sosa
ربنا يخليكي يا ساره
مرورك مميز كعادتك
نورتيني
تحياتي
صاحب البوابــة
و عليكم السلام و رحمة الله و بركاته
عوداً أحمد
نورت من تاني يا جميل
و مليون حمد الله علي السلامه
تحياتي
shlapia
ربنا يخليكي يا رب
نورتيني في مدونتي المتواضعه
و الحمد لله إن المدونة عجبتك
و انتي فعلا كلامك صح
بس انا مقصدتش إني أسب الدهر
ده تعبير مجازي عن الحالة اللي احنا عيشنها
بس فعلاً انتي عندك حق
نورتيني
تحياتي
محض روح
ربنا يخليكي يا رب
و كلامك اكيد صح
بس المعطيات كترت قوي
و بقت الحياة كلها كده
ميرسي علي كلامك الرقيق
نورتيني
تحياتي
SAKAyAR
ههههههههههههههههه
و الله انت عسل
ميرسي كتير يا جميل علي تعليقك الجامد
نورتني
تحياتي
شيماء الجيزى
ليه بس حالة التشاؤم دي يا شيماء
ده انا اه كلامي نكد
بس في الأخر فتحت باب للأمل
الأمل موجود طول ما فينا نفس
و إلا نبقي عايشين ليه
نورتيني
تحياتي
bocycat
اكئتاب ليه بس
هو اه كل حاجه بايظه
بس الأمل موجود
و علينا إننا نتمسك بيه
طول ما بنتنفس هنحلم بحياة اجمل
نورتيني
تحياتي
مروة جمعة
اكيد يا مروه
في ناس صادقه
و ناس كويسين جدا
بس للأسف قليلين قوي
يا رب يكتروا يا رب
و كل الناس يبقي في بينهم حب بجد
نورتيني
تحياتي
mesh2dra
و عليكم السلام و رحمة الله و بركاته
نعيب زمانا و العيب فينا
و ما لزماننا عيب سوانا
العيب مش في الحب ولا في الزمن
العيب فينا احنا
عشان كده في الآخر قولت
الخطأ ليس في الخطأ
في العوده إليه بكل هوان
عشان تبقي الحياة احلي
يبقي لازم نحب بعض بجد
من غير زيف او مصلحه او تمثيل
و يا رب ده يحصل
نورتيني
تحياتي
اشرق داخلنا يا زمن الحب .. اعبر بنا إلي شط امان
............
فقط لو حقيقي و الحب الحقيقي
جميله قوي يا رامي , و بتعبر فعلا عن احوال معظم العلاقات في الزمن دا الا من رحم ربي
جميل كالمعتاد يا رامي :)
الحل مش الحب الحل هو الايمان بالله وخوفه والخوف من عقابه والرضى بنعمه وشكرها
الانسان دلوقتى فاكر انه مسك الكون فى ايده لمجرد انه اترقى او زادت فلوسه ميعرفش انه عبد ضعيف وان كل تصرف يعمله مع الناس من شر ليه حسابه لو الانسان فهم وادرك انه محاسب على كل تصرف يعمله مع الناس او مع نفسه كان اتصرف بعقلانية وكسب نفسه ورضاه وقبل ده كله كسب رضى ربه
لا تعليق
والله يابرويد يا خويا
انا متفقه معاك ان الوقت اللى احنا فيه دا الصدق والحب بئا فيه نادر اوى
بس هو موجود لسه بردوا والله ناس كويسه الحمد لله
القصيدة جميله
وقول لصاحبك خيرها فى غيرها
وادعى ربنا يبعتلك ناس وفيه
واحنا نحسن الاختيار
دى اهم حاجة
سلام
لا يارامي انا مش معاك والله الدنيا لسة فيها اصدقاء اوفياء واصحاب جدعين قوي وناس زي الفل بس احيانا بتكون المشكلة فينا نظبط نفسنا شويا وهنشوف حاجات احسن بفضل الله
بس كدة الدنيا سودا اوى يارامى
حتى لو كل حاجة وحشة دايما فى نور بيجى من بعيد حتى لو طال انتظاره
عجبنى البيت ده
اصبحنا نسمي الغش ذكاء .. و الكذب صار له الوان
::::::::::::::::
الغش ذكاء عجبنى التعبير ده اوى
تحياتى ليك
رامي
كلامك حلو وعجبني جدا كالعادة
بس الحل اللي انت حاطه مش دايما ينفع لان حتى الحب صار مزيف وخداع
وفيه مشاكل اكثر من غيره
ولما الواحد يحب لازم يحب بعقله قبل قلبه في ايامنا
بص يا رامي
زي ما فيه الحلو فيه الوحش ودايما مشكلتنا اننا مش بنكون عارفين نفرق بين الحلو والوحش
بس ايه الكلام الجامد دا
ربنا يكرمك بجد تسلم ايدك
تحياتي يا رامي
الله الله الله ياعم رامى
اية الحلوة دى
لالالا جميلة اوى اوى
بس انتى هايل
بوست جميل
راءع
ابقى عبرنا بقا
اوك
انا هستنا منك كومنت
باى
خيانه الصداقه ده أبشع احساس بس الحب هو فعلن الى بينور قلوبنا بالإيمان مش الحل اننا نبطل نثق فى الناس بس باخد بالنا المره الى جايه
أحييك على رقه كلماتك وروعه الأسلوب
سلام:)
Rosa
ربنا يخليكي يا رب
و الحمد لله إن كلماتي المتواضعه قدرت تعبّر عن إحساسي
مرورك مميز كعادتك
نورتيني
تحياتي
hend
اكيد كلامك صح
بس هو في حاجه صغيره
الحب هو الفطره اللي ربنا خلق عيها كل عباده
يعني الحب نفسه من ربنا سبحانه و تعالي
و الحب مش معناه حب الحبيب و بس يعني
في حب الله و ده اسمي معاني الحب
و في حب الأهل و الوطن و الأصدقاء و الجيران و الحبيب و ..........
و لو فكرتي معايا شويه كده
هتلاقي إن كل اللي احنا فيه ده بناء علي بعدنا عن الله سبحانه و تعالي و شرعه ده اولاً
و ثانيا بقي ان مبقاش في الحب اللي بين الناس و بعض
الحب اللي بجد مش عشان مصلحه او هدف
نورتيني في مدونتي المتواضعه
تحياتي
3abdo me7tas
نورتني في مدونتي المتواضعه
بس بدون تعليق علي ايه بالظبط ؟!!؟
تحياتي
رينـــــــــــا
ربنا يخليكي يا رب
نورتيني
تحياتي
قلوب حائرة
ما ده معني كلامي يا قلوب
بدون امل مفيش حياة
نورتيني
تحياتي
همسات
ربنا يخليكي يا همسات
طيب ما انا في الآخر فتحت باب الأمل
مش سودتها قوي يعني
نورتيني
تحياتي
yasmina
من الأساس الواحد مينفعش يحب بقلبه بس
الحب بيجي من الأتنين سوا
القلب و العقل
القلب بيشدك ناحية حد و تحسي بمشاعرك بتجري ليه
بس في الوقت ده عقلك بيفكر
هل يا تري ده حد مناسب بجد
و الأتنين اتفقوا يبقي هو ده الحب اللي بجد
اما بقي ان الحب نفسه مبقاش ليه امان
فده نابع مننا احنا
منظلمش الحب
و كلامي كان معناه اننا ندور علي الحب اللي بجد اللي من غير هدف او مصلحه و نحاول نرجعه بينا
مش حب حبيب لحبيبه و بس
لاء حبنا كلنا لبعض
نورتيني
تحياتي
gohayna
ربنا يخليكي يا رب
نورتيني
تحياتي
شريف
ربنا يخليك يا شريف
نورتني
تحياتي
واحدة من الناس
ربنا يخليكي يا رب
و هو ده اللي اقصده بالظبط
نورتيني
تحياتي
Post a Comment